رواية أحببتك فكسرتني (بقلم هاله رجب الهربيطي) الفصل السابع

[ad_1]

رواية أحببتك فكسرتني (بقلم هاله رجب الهربيطي) الفصل السابع

الفصل السابع……..

 

تلقت ملاك رساله على هاتفها مكتوب فيها: لو كنتي فاكره

إنه هيحميكي مني فا إنسي ياملاك لأنك ليا وساعتها

مش هرحمك زي اللي قبلك

قرءت الرساله وهي مصدومه وخائفه ولاتعلم ماذا تفعل

معتز خرج وراها: ملاك مالك واقفه كدا ليه فى حاجه

ملاك: ها. ل. ل. لاء م. مف. مفيش حاجه

معتز: إنتي بتقطعي في الكلام ليه مالك

ملاك: أ. أنا ك. كويسه أنا بس تعبانه شويه

معتز: تعبانه مالك حاسه بي إيه

ملاك: لاء عادي مفيش حاجه هو بس شويه صداع

معتز: تعالي معايا دوا للصداع

ملاك: طيب

ومشي ملاك ومعتز ودخلوا المكتب

وأعطاها معتز الدواء

معتز: ها كدا أحسن شويه

ملاك: الحمد الله

معتز: طيب تعالي أروحك

ملاك: لاء أنا كويسه مش عاوزه أمشي

معتز: عشان ماتتعبيش

ملاك: والله أنا كويسه وبعدين أنا خارجه عشان

أخلص ملفات الصفقه عشان نبقي فاضيين بكره

معتز: تمام ماشي بس لو حسيتي بتعب

عرفيني وهاجي أروحك

ملاك: تمام أنا رايحه المكتب

معتز: ماشي

وخرجت ملاك من المكتب وراحت مكتبها وجلست

علي الكرسي وفضلت تفكر تقول لمعتز ولا لاء

وبعدين كملت شغل فى ملفات الصفقه

 

بعد مرور الوقت خبطت ملاك على باب مكتب

معتز ودخلت ملاك مكتب معتز

معتز: ملاك تعالي في حاجه

ملاك: لاء مفيش حاجه بس يعني مش هنمشي

الساعه داخله علي 6المغرب

معتز: ياااه الوقت عدي بسرعه وانا بشتغل

ملاك: طب خلصت ولا لسه

معتز: تمام أنا خلاص خلصت بس كنت براجع ورق الصفقه

ملاك: الصفقه دي فعلاً محتاجه شغل كتير

معتز: أكيد دي هي البدايه

ملاك: بدايه إيه مش فاهمه

معتز: ها… ا. ااا انا أقصد بدايه النجاح

ملاك: ربنا يوفقك إن شاءالله

معتز: يارب… يلا بقا نمشي

ملاك: ماشي يلا

 

وخرج معتز وملاك من المكتب وخرجوا من الشركه

واوصل معتز ملاك المنزل ونزلت من السياره

معتز:ملاك ماتنسيش ميعاد بكره

ملاك:أكيد مش هنسي

معتز: تمام

ملاك:أنا همشى بقا مع السلامه

معتز:مع السلامه حبيبتي

ملاك انكسفت واحمر وجهها من الخجل وذهبت مسرعهحما معتز إبتسم علي كسوفها منه ولكن تحول مره أخري

معتز: مستحيل أحب بعدك يا ياسمينتي إنتي كل حاجه ليا

وخلاص شويه بس وهجبلك حقك

وركب معتز العربيه وذهب إلي الفيلا

 

عند جني وزياد دخلت جني المكتب فجأة علي زياد

جني: إنت ياعم إنت هنروح إمتا عاوزه أكل جعاااانه جعااااااااااانه إيه الشغل دا كل الناس مشيت واحنا لسه

زياد: إنتي إزاي تقتحمي مكتبي كدا إنتي مجنونه

جني: أعملك إيه الكل مشي حتي معتز دا مشي هو وخطيبته

زياد: ليه هي الساعه كام

جني: الساعه داخله علي 6ونص

زياد: دا فعلاً إتأخرنا يلا بينا

جني: يلا

وخرج زياد وجني من الشركه وركبوا العربيه وراحوا الفيلا

وذهب كل منهم إلي غرفته لتبديل الملابس

وبعد فتره خرج زياد من الغرفه وراح

عند غرفه جني وخبط الباب

زياد: جني يلا عشان ناكل

جني: تمام نازله حالا

ونزل معتز وكان بانتظار جني وبالفعل نزلت جني

جني: يااااه أخيراً هاكل دانا هموت من الجوع

زياد بضحك من كلام جني: هو إنتي كدا دايماً جعانه

جني: أعوز بالله في إيه إنت هتحسدني

زياد: هحسدك ليه يلا كلي

جني:فين الأكل

زياد:ماهو قدامك أهوه

جني:هو إيه اللي قدامي معلش

زياد:قدامك شوربه خضار يلا كلي

فجأة سمع صوت جني عالي وهي بتقول

جني: ناااااااااااعم شوربه خضار مين يابو شوربه

خضار  حد قالك إني تعبانه

زياد: في إيه مالو الأكل ماصحي أهوه

جني: لاء يابا خاليلك الصحي دا ليك أنا هطلب أكل جاهز

زياد: تمام إنتي حره عاوزه اي

جني: عاوزه شاورما

زياد: حالا هتتعشي شاورما

جني: أه وعاوزه بيبسي وبطاطس

زياد: إنتي عازمه جيش

جني: أعوز بالله ماتحسدش

زياد بضحك: حاضر مش هحسد

 

وطلب زياد الأكل وبعد مده وصل عامل الدليفري وأخذ الأكل

زياد: إتفضلي الأكل أهوه

جني: أخيراً الحمد لله

وقامت بأخذ الطعام ووضعه علي السفره

جني: يلا عشان تاكل

زياد: لاء أنا أكلت

جني: تعالي بس هو أكل القطط والمسلوق دا أكل تعالي بقا

زياد: حاضر

وبدء الاتنين في الأكل تحت نظرات زياد لجني

زياد: جني أنا معرفش حاجه عنك

صدمت جني من السؤال وقالت بتوتر: أ. أااا أنا هقوم أجيب مايه عشان عطشانه

علم زياد أنها تحاول أن تتهرب منه لكي

لا تجيب علي هذا السؤال

زياد: لاء خليكي أنا هجيبلك

جني: ت. تمام

وذهب زياد ليحضر الماء لجني

جني لنفسها: متخافيش محدش يقدر يقربلك سيبيها علي ربنا

وأحضر زياد لها الماء وشربته وبعد دقائق

جني: الحمدلله أكلت

زياد: وانا كمان الحمدلله

جني: تمام أنا هدخل الأطباق وهنام

زياد: خليهم الخدم هينضفوا

جني: لاء عادي أنا هنضفهم

وأخدت جني الأطباق للمطبخ وبعد قليل من الوقت خرجت

جني: أنا خلاص خلصت هطلع أنام تصبح علي خير

زياد: وانتي من اهل الخير

وذهب زياد وجني كل منهم لغرفته

 

عند معتز كان يجلس بغرفته ممسكا صوره ياسمين

معتز: وحشتيني اووي ياحبيبتي أنا مش قادر أعيش

من غيرك تعبان اوى ياياسمين

ليه سبتيني لوحدي بس أوعدك حقك هيرجع

ومش مهم مين هيتأذي  حتى لو من غير سبب المهم حقك يرجع

تصبحي علي خير ياروحي

 

أما عند ملاك كانت جالسه بغرفتها بعد أن أدت فرضها

ملاك: أنا حبيت معتز أوووي بس أنا ليه حاسه أنه

مخبي حاجه عليا مش عارفه يمكن دا خيال مني

ومفيش حاجه أصلاً

وقامت يإرسال رساله إلي معتز

تصبح على خير

وجائها الرد من معتز

وإنتي من أهل الخير ملاكي

ونامت ملاك وهي سعيده لانها تعشق ولا تعرف

أنه ومن الحب ماقتل

الفصل الثامن من هنا

[ad_2]
اسم الكاتب والمصدر الاصلي
جميع الحقوق محفوظة

2021-12-09 01:42:12

اترك تعليقاً

لن يتم نشر عنوان بريدك الإلكتروني.

close