رواية أحببتك فكسرتني (بقلم هاله رجب الهربيطي) الفصل السادس

[ad_1]

رواية أحببتك فكسرتني (بقلم هاله رجب الهربيطي) الفصل السادس

الفصل السادس

…..

زياد خرج من مكتب معتز وتفاجأ

بجني وهي قاعده عالمكتب وحواليها أكياس كتير

وقاعده بتاكل ومش حست بيه لما دخل

زياد:إيه دا إنتي قاعده كدا ليه وإيه اللي عملتيه

في المكتب دا دا بقي مقلب زباله

جني بفزع:إيه ياعم إنت مش تخبط ولا تقول أي حاجة

زياد:والله أخبط وانا داخل مكتبي

إنتي إتجننتي وبعدين إيه الحاجات

دى كلها وجبتيها منين أصلاً

جني:دي سندوتشات فول وطعميه عشان أفطر

أحسن من أكل القطط اللي

أكلتهولي وشيبسى وعصير

يلا يلا تعالي كل معايا بسم الله

زياد:أكل إيه وبعدين إنتي هتاكلي كل دا لوحدك

جني:أعوز بالله إنت هتحسدني

زياد بضحك:ههههههه أحسدك إيه يابنتي يلا كملي

أكل وتنضفي المكان دا

جني:طب مش هتاكل

زياد: أنا بصراحه مأكلتش دول قبل كدا

جني بصدمه:يالهوي فى حد

مياكلش الفول والطعميه

بس فعلاً عندك حق الأبهه دي كلها

وتاكل فول وطعميه طب إزاي

زياد:إيه يابنتي أنا بس عشان ماعنديش وقت

وكنت دائماًمسافر برا

جني:طيب تحب تجرب

زياد:أجرب ربنا يستر

جني:هيستر إن شاء الله

وجلس زياد مع جني وأكلوا

جني: الحمدلله

زياد:وانا كمان الحمدلله

جني:أومال مش الحمدلله دانت كلت السندوتشات

وقال إيه مأكلتش الحاجات دي قبل كدا ههههههههههههه

زياد:فعلاً ههههههههههههههه بس إنتي إزاي جبتي الحاجات دى

جني:مانا رنيت الجرس وطلعلي بتاع الكافيتريا

وقولتله إن الحاجات دي ليك ومأخدش

حقهم قاال إنك هتدفعهمله إنت

زياد بعدم تصديق:مش معقول شوهتي سمعتي منك لله هههههههههههههه ههههههه

جني:ههههههه ههههههه

زياد:المهم دلوقتي إمضي العقد وإطلعي مكتبك برا

هتبقي السكرتيره بتاعتي وشويه كدا وهنحضر إجتماع

جني:الله طيب هاات بسرعه عشان أمضى

ومضت جني العقد وخرجت لمكتبها

وأيضا زياد باشر عمله

وبعد دقايق خرج زياد وراح مكتب جني

ولسه هيخبط شافها وهي بتكلم نفسها

جني قاعده عالكرسي وبتتصور وقالت: والله العظيم

أنا قمر طب والله العظيم أنفع مديره شركه

وهبقي أحسن من الواد أبو عيون خضره اللي

ينشك في بطنه وقلدت صوته وهو بيقول

: أنا بصراحه مأكلتش دول قبل كده. وهو أول ماقعد

أكل كل السندوتشات. وفجأة سمعت صوت حد بيضحك

وكان زياد اللي بيضحك علي كلامها

زياد: ههههههه لاء مش قادر ههههههه إنتي فظيعه والله

ههههههه إنتي مجنونه ههههههه

جني:إوعي تكون زعلت أنا بضحك

زياد: لا عادي ولا يهمك انا أصلاً من زمان مضحكتش كدا

جني: ربنا يسعدك ويفرحك دايما

زياد: شكرا أحلي دعوه

جني: بم إنك مبسوط هاتلي سندوتشات بدل اللي أكلتها

زياد بخبث: إنتي بصالي في الأكل بقا

جني:لاء والله بس أصلك بصراحه يعني من

غير كسوف إنت مفجوع وأكلتهم كلهم

وانا جعانه لسه جعاااااااااااااانه

زياد وضع يده على فمها: بس يخربيتك هتفضحينا

دانتي مفجوعه أوووي نخلص الإجتماع وهخلي

بتاع الكافيتريا ييجبلك

و بيبصلها لاقاها بتبص في عينه وهو تاه في عينها

وبعد شويه حسوا بقربهم من بعض

زياد: إحم… يلا عشان الإجتماع وهكلمهم

يبعتولك أكل بعد الإجتماع

جني: طيب يلا نروح الإجتماع

زياد: ماشي إسبقيني بره علي ماكلم بتاع الكافيتريا

جني: ماشي

وخرجت جني وبعد وقت خرج زياد وراحوا الإجتماع

 

عند ملاك ومعتز في المكتب

ملاك خبطت عالباب ودخلت:

معتز: ملاك تعالي في حاجه

ملاك: إنت نسيت الإجتماع دا هيبدء حالا

معتز: أنا نسيت خالص هجمع الورق ونروح الإجتماع

ملاك: ماشي يلا

وبعد وقت خرج معتز وملاك من المكتب

وراحوا غرفه الإجتماعات

معتز جلس وبجانبه ملاك وزياد وبجانبه جني

معتز: يلا نبدء الإجتماع

وبتدي الإجتماع وكل واحد قال المخطط اللي مجهزها

 

وبعد وقت من المناقشات في الإجتماع

معتز: الصفقه دي لو تمت هتبقي صفقه العمر

هتنقلنا نقله تانيه خالص لازم ناخدها بأي طريقه

شخص 1:بس يافندم إحنا لينا منافسين للصفقه

دي لأنها فعلاً هتبقي فرصه العمر للي هيكسبها

شخص 2: أيوا يا فندم عنده حق في كلامه لأن

اللي هياخد صفقه العربيات دي هيكون

هو المصدر الأول والأخير ليها في

الوطن العربي وعلي حد علمي إن المناقصه

هتقف علينا وعلي شركه أستاذ أحمد لأن هو وشركه

حضرتك أكبر شركتين وكمان منافسين لبعض

الشخص 1:أيوا يافندم دا فعلاً اللي سمعته

وسمعت كمان أن أحمد حاطط في الصفقه دي كتير أوووي

زياد:بلاش مشاكل يامعتز مش ناقصين

معتز: وأنا قولت الصفقه دي ليا أنا ومحدش هيكسبها غيري

زياد:بس ياريت تفكر كويس مش عاوزين نندم

معتز بخبث:أكيد مفيش مشاكل………..وقال في سره:لسه مش

حالا لأني ناوي أندمه

زياد:تمام يامعتز براحتك

شخص 1:إزاي يافندم

معتز: بأي طريقه حتي لو هتبعت للشركه دي فاكس تعرفهم

إني هروح أتناقش معاهم

شخص 2:تمام يافندم هنبعتلهم الفاكس وإن شاء الله خير

الكل: إن شاء الله

جني كانت تجلس بجانب زياد

جني بصوت منخفض:إنت ياعم إنت عاوزه أقوم أروح الحمام

زياد رد بغيظ:حمام إيه دلوقتي إستني علي مالإجتماع يخلص

جني:باقولك إيه إنجز بقا

زياد:إسكتي منك لله هتفضحينا معرفش مين

الغبي اللي عينك هنا

جني بضحك بصوت منخفض:ههههههه إنت الغبي

زيادبغيظ:إنكتمي بقا

جني:أهوه إنكتمت وقالت بصوت منخفض: تنشك فى بطنك

معتز: تمام ملاك تبعتيلهم الفاكس حالا

ملاك: حاضر حالا هبعت

معتز: تمام وتابعيهم وعرفيني بسرعه أول مايردوا

ملاك: حاضر.. ثواني كده. دول بعتوا مش معقول بالسرعه دي

معتز: ها. قالوا إيه

ملاك: قالوا إن صاحب الشركه نازل مصر النهارده وممكن

ناخد ميعاد ونروح بكره لأنه هينزل الشركه علي طول

معتز: تمام حددي ميعاد معاهم الساعه 2

ملاك: حاضر. ثواني…. تمام كدا وافقوا

معتز: تمام هنروح أنا وإنتي بكره

ملاك: ماشي

معتز: الإجتماع خلص إتفضلوا وإن شاء الله خير

الكل: يارب

وخلص الإجتماع وخرج كل الموظفين لمكاتبهم

وخرجت ملاك بتفتح تليفونها لاقت رساله مكتوب فيها……………………….

الفصل السابع من هنا

[ad_2]
اسم الكاتب والمصدر الاصلي
جميع الحقوق محفوظة

2021-12-08 03:42:08

اترك تعليقاً

لن يتم نشر عنوان بريدك الإلكتروني.

close