رواية “خط الصعيد”:. الجزء الثامن للكاتبة أسماء يمانى. شوف 360 الإخبارية

[ad_1]

رواية “خط الصعيد”:. الجزء الثامن للكاتبة أسماء يمانى:

صفيه: مين الى قال انها هتم انا رميت الطعم وبعت رساله غراميه لاحلام منك وهنشوف هتختار مين
يوسف: ايه انتى عملتى كده بجد
صفيه: المهم بلغ الخط ان مهمتنا خلصت وانتهت على كده وهو يجهز للباقى
فلاش باك قبل الفرح بيوم
الخط: سويلم جمع الرجاله فى مهمه لازم نقوم بيها بس قبلها الرجاله الى طلعوا مع الجلنف الى اسمه حسين عشان يعمل نفسه انه الخط ويعرضها وسط كبرات البلده اهو خد الى فى النصيب هو فاكر لما يعمل كده هيسموا عليه اياك اتقتل زى الفروج ومحدش يعرفه طريق
سويلم: اهو اتقتل ياخط ويستاهل
الخط: انت تعرف انت الوحيد الى صله الوصل بينى وبين الرجاله، عايز الرجاله الى طلعوا مع حسين نفرزهم نفر نفر وتراقب تحركاتهم ومتبلغش اى حد بالى هقولك عليه لان فى بينتا خاين ولازم يتعرف قبل ماخد الخطوه الى جايه
سويلم: امرك ياكبير بس تعرف انا عمرى ماشفت شكلك لكن كبيرنا هو الى عينك علينا بعد مامات عشان تكون الخط مكانه لكن عمرنا ماشوفنا وشك وكانك مختفى
الخط: ملكش صالح ياسويلم بالحاجات ديه ونفذ المطلوب كنت حاسس ان فى خاين بنتنا ولازم اجهز الخطه مع الناس الاقرب ليا بجد واتصلت بيه عشان يجيلى يبلغنى باخر الاخبار الى بتحصل فى المركز اخيرا جيت انتظرتك كتير ياصميده
صميده: انت تعرف انت غالى عندى قد ايه لكن الحكومه شده والى طلبته منى نفذته ونشرت كل الاشاعه عنك وبطولات الخيط وتحركات البوليس لكن انا بقت خايف عليك عيله الدهشورى مش سهله وخايف تتاخد فى الرجلين
الخط: متاخفش ياخيى متنساش انا مين الخط وابوك هو الى اوتنى وعلمنى وخلاك تتقرب من الحكومه وتعمل عيل خايب عشان محدش ياخد باله منك لكن الايام الجايه عايزك معايا لان شاكك ان فى خاين بنتنا فى الرجاله ولو طلع الى فى دماغى ساعتها مش هيطلع عليه شمس
صميده: بلاش دم وتلوث يديك
الخط: متخافش عليا ، المهم الفرح لازم يحصل فيه دوشه وعاركه عشان اقدر ادخل بيت الدهشورى ولازم الاخوات يتفرقوا ويركز الدهشورى فى همه
صميده: الى فى دماغك عرفنى
الخط: ابدا هنضف البلد من وسخاتهم هسرق البضاعه الى خايفين عليها عشان كده خبوها وغيروا طريقها ومعاد وصولها ومشوها من طريق تانى لكن كنت عارف ده واستنيت الوقت عشان اقدر اهجم وجيه الوقت هحسرهم عليها وعلى فلوس الحرام الى مليانه بالدم الى عايزين يدمروا شباب البلد بيها
صميده: سيب ده عليا هتصرف
الخط: لاع انا ليا طريقتى بس هتكون معايا انت ساعتها وطبعا هتكون فى الفرح بصفتك غفير هناك ومعاهم وهتروح تقدم المساعده فى الفرح
صميده: فهمتك خلى بالك من نفسك وانا هكون جاهز بالاشأره سلام دلوق لحسن يستعوقونى
صفيه: جيه وقت تنفيذ الخطه، رحت لاحلام بحجه ابارك لها واكون معها وطلعت ليها كانت بتحضر للفرح وحزينه وامها بتزغرط ولقتها بتبص ليا بغيظ اكنها حسا، ودخلت لاحلام وقفلت الباب وقلتلها احلام يوسف بعتلى الجواب ده وحالته صعبه لم عرف بخطوبتك وشكله عايز يموت نفسه ومش هيقدر يستحمل يشوفك وانتى بتتخطبى
احلام: هو قال كده انتى شوفتيه انا مليش راى ياصفيه ابويا حكم رايه وامى كمان انا بحب يوسف وريداه اعمل ايه كيف اكسر كلمه اهلى
صفيه: انا عارفه يا احلام لكن لو سبنا غيرنا يختار مصيرنا هيكون احنا لازمتنا ايه ساعتها احنا متعالمين وكبار لينا حق نقول اة ولاع والجواب معاكى انا مجرد مرسال ليه
احلام: انتى بتعملى ليه كده ياصفيه عشان بتحبى حازم بس غريبه انتى نفسك معرفتيش تختارى مصيرك
صفيه: غلطانه تبقى انا مش هنكر ان بحب حازم لكن فى حاجه اقوى من الحب بس انتى مش هتقدرى تحسيها او تعرفيها عشان مشفوتيش النار الى عشت فيها ولو على المصير فانا اه مخترتش وانا صغيره لكن اخترت وانا كبيره ياصديقتى ويوسف زى اخويا واكتر وفى الاخر انتى الى هتختارى هتعملى ايه
احلام: صفيه دبحتنى بكلامها بسكينه تلمه واتأكدت انها بتحب حازم لكن رافضه تعترف بده ويوسف هو حب عمرى من ايام ماكنا سوى فى الكليه كان اكبر منى لكن حبنى من اول ماشافنى انا عارفه اهلى رفضينه بسبب انه مقطوع من شجره اعمل ايه
يوسف: كنت حزين ورحت عند بيت الدهشورى ولقيته بيضحك وفرحان وبيجهز فرح عياله وبيوزع الشربات وبيدبح عجول وفضلت ابص ليه ولنفسى وقلت اشمعنا هما هو انا مش ابنك زيهم ليه عملت فيا كده ليه رمتنى انا وامى وطعنتها فى شرفها بسبب الحربايه التانيه مش لو كنت اخدتنى وسطيكم كان زمانى دلوق بتجوز احلام حب عمرى انا بكرهك ياعيله الدهشورى حتى ابوي الى اوتنى فى بيته وحافظ عليا واعطانى اسمه قتلته واتهمته انه قتل، والراجل الغلبان ابا عوض الى مات بسبب ابويا الحقيقى، مش هنسى اى حاجه حصلت وهدمركم وهاخد حقى وحق صفيه وصميده وكل الناس الى اتظلموا تحت يدك يادهشورى انت وعيالك
الخط: سويلم جمعت الرجاله
سويلم: جمعتهم وشوفتهم بس شاكك ف الواد عتمان لان كان معاهم وهو الى وصل اخبارنا ليهم
الخط: سويلم انت كنت تعرف فى شحنه تانيه جايه مع الشحنه الاولى
سويلم: لاع معرفش مانا معاك ياخط طول الوقت هعرف منين
الخط: يعنى انت شاكك فى عتمان هو الى عمل كده
سويلم: ايوا ياكبير
الخط: طيب جمع الرجاله الى تعرفهم عشان هنجبهم على مصنع الدهشورى الى فى اخر البلد ومتقولش للباقى عشان محدش يعرف تحركتنا جهز نفسك الليله انت ورجالتك وانا هكون هناك ياسويلم
الخط: محدش يخدع الخد ولا يضحك عليه انا مش قليل بردك كنت عارف من الاول ان سويلم هو الخاين لكن لازم ارمى ليه طعم تانى عشان اعرف اخلص شغلى وفى نفس الوقت اضربهم فى بعض وهما يخلصوا على بعض زى ماقتلوا حسين الى حب يكون هو الخط فى غيابى سويلم افتكر انه انا وبلغ العصابه وقتلوه كنت شايف وعارف الى هيحصل اصلى انا مابحبش اوسخ يدى بدم ناس زيهم هما هيقتلوا بعض فى الاخر، لكن لو تحكم عليا همسك المسدس واقتلهم بيدى لكن الصبر حلو
زيهم هما هيقتلوا بعض فى الاخر، لكن لو تحكم عليا همسك المسدس واقتلهم بيدى لكن الصبر حلو
صفيه: يوسف جهزت نفسك عشان هنروح الفرح الليله
يوسف: اتجننتى اياك كيف هروح فرح احلام
صفيه: هنروح ده امر من الخط
يوسف: يبقى فى عاركه كبيره هتكون وصميده هيكون هناك صح
صفيه: قوم حصلنى يلا على هناك الليله هتكون كبيره
صفيه: مش قلتلك الدنيا هتتقلب والفرح باظ وزمان احلام سابت فرحها هى كمان ودلوق جيه وقت الخط عشان يهجم ويضرب ضربته الكبيره جاهز يايوسف
يوسف: جاهز ياجناب الخط
الخداع والتنكر هو اسلوبى ليس كل من يظهر بوجه ملاكى يكون برئ وليس كل من يظهر بوجهى شيطانى شرس يكون شرير الادوار تخلتف والاوجه ايضا تختلف فأحزروا منى جيدا لانكم لم تعرفوا ماذا استطيع ان افعل بعد ولم تروا وجهى الاخر
شكرا على المتابعه اصدقائى الحلوين ومتنسوش الكومنتات الكتير عشان الباقى ينزل وتعرفوا صفيه هتعمل ايه 20 كومنت عشان اقدر انزل الجديد وتابعونى على اليوتيوب فى قصه صوتيه هتنزل دلوقتى

The post رواية “خط الصعيد”:. الجزء الثامن للكاتبة أسماء يمانى. appeared first on شوف 360 الإخبارية.

[ad_2]
اسم الكاتب والمصدر الاصلي
جميع الحقوق محفوظة

2021-12-08 23:25:21

اترك تعليقاً

لن يتم نشر عنوان بريدك الإلكتروني.

close